បច្ចុប្បន្នតារាសម្តែងសាច់សម៉ដ្ឋ ទាក់ទាញភ្នែកបុរសៗ កញ្ញា ដួង ស្រីពេជ្រ ហាក់បីដូចជាមមាញឹក និងការងារសិល្បៈយ៉ាងខ្លាំង ខណៈទីផ្សារសិល្បៈកាន់តែ មានការប្រកួតប្រជែងយ៉ាងខ្លាំង ពីមួយថ្ងៃទៅមួយថ្ងៃ ។
ចាប់តាំងពីតារាសម្តែង និយមលេងស្តាយ៍សិចស៊ី ដួង ស្រីពេជ្រ ឈានជើងចូលប្រឡូក ក្នុងវិថីសិល្បៈមកតារាសម្តែង ក្រមិចក្រមើមរូបនេះ ធ្លាប់បានថតខ្សែភាពយន្ត បានចំនួន៣រឿងមកហើយ ក្នុងនោះមានរឿងមួយ នាងបានសម្តែងជាតួឯកគឺរឿង “ងងឹតងងល់ភាពឫស្យា” ។ រឿងមួយនេះជារឿងបែប អប់រំ ហើយត្រូវបានចាក់បញ្ចាំង នៅលើកញ្ចក់ទូរទស្សន៍បុស្តិ៍លេខ ៥ ។ លើលពីនេះទៅទៀត ស្រីស្រស់ ដួង ស្រីពេជ្រ ត្រូវបានមហាជនស្គាល់ច្រើន តាមរយៈការសម្តែងខារ៉ាអូខេ បទចម្រៀងនៅក្នុង ផលិតកម្ម ថោន សាន់ដេរ, អឹម ,និងផលិតកម្មផ្សេងៗជាច្រើនទៀត ។
គ្រាន់តែមានកេរ្តិ៍ឈ្មោះ និងមានប្រជាប្រិយភាព បានគួរសម ដួង ស្រីពេជ្រ ត្រូវបានផលិតកម្មធំៗ ហៅទៅសម្តែងជាច្រើន ស្ទើររកពេលសម្រាកគ្មាន។ ជួបជាមួយ LookingTODAY ប្រកបដោយទឹកមុខញញឹម កញ្ញា ដួង ស្រីពេជ្រ ប្រាប់ឲ្យដឹងថា នាងកំពុងតែត្រៀមថត ចម្រៀងខារ៉ាអូខេ ឲ្យផលិតកម្មហង្សមាស ហើយថ្ងៃទី១៧ ខែធ្នូ នេះនាងត្រៀមថតស្ពត ឲ្យក្រុមហ៊ុនស្រាបៀរមួយ តែនាងមិនបានបង្ហើបឈ្មោះថា ក្រុមហ៊ុនស្រាអ្វីនោះទេ ។
បន្ទាប់ពីមានការងារ យ៉ាងរដឹកនៅក្នុងដៃ តារាសម្តែងមុខសិចស៊ី ដួង ស្រីពេជ្រ ស្រាប់តែថ្មីៗកន្លងទៅនេះ ត្រូវបានមហាជនទូទៅមើលឃើញថា បានគ្រងតំណែងជា ពិធីការនីនៅប៉ុស្តិ៍ លេខ៥ ក្នុងកម្មវិធី “អាថ៌កំបាំងតារា” បន្ថែមលើការសម្តែង។
បើតាមការឲ្យដឹងពីកញ្ញា ដួង ស្រីពេជ្រ បានឆ្លើយរៀបរាប់ប្រាប់ឲ្យ LookingTODAY ដឹងថា “តំណែងជាពិធីការិនី នៅលើកញ្ចក់ទូរទស្សន៍ប៉ុស្តិ៍លេខ ៥ ក្នុងកម្មវិធី “អាថ៌កំបាំងតារា” នេះខ្ញុំទើបតែចូលបាន ប្រហែលជាមួយអាទិត្យប៉ុណ្ណោះ ។ ចំនែកការងារសិល្បៈរបស់ខ្ញុំ សព្វថ្ងៃគឺមានការមមារញឹកច្រើនគួរសម ព្រោះខ្ញុំត្រូវត្រៀមថតខារ៉ាអូខេ ឲ្យផលិតកម្មហង្សមាស និងថតស្ពតពាណិជ្ជកម្មជាច្រើនទៀត ”។
តារាសម្តែងវ័យក្មេងរូបស្រស់ ឆើតឆាយ ដួង ស្រីពេជ្រ ត្រូវបានមហាជន និងស្រទាប់យុវវ័យ មើលឃើញថាកំពុងមាន ប្រជាប្រិយភាពបណ្តើរៗ បន្ទាប់ពីនាងហ៊ានបញ្ចេញ ភាពសិចស៊ី និងពុះពារជម្នះក្នុងពិភពសិល្បៈ៕
0 comments:
Post a Comment